Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 2 Mi Lek Chuan A Nu Leh A Nau Nunna A Chhan Sak

Naupang te hian an kum ngaihtuah a an thil tih atan a awihawm loh pui pui hi an lo man ve leh nulh thin. He hmeichhe naupang te thil tih pawh hian mak tih a hlawh a, fak pawh a hlawh zui reng a ni.

India ram Uttar Pradesh’s Bareilly district ah chuan hmeichhe naupang kum 2 mi hian railway station a platform ah a nu leh a nau thla 6 mi te nikhawhrelo a let reng chu a hmu.

He naupang hi a kum ala naupan vangin tawng pawh a tawng thei deuh sawlh sawlh chauh ala ni. Mahse a nu leh a nau te chunga thil thleng hrilh turin an awmna atanga metres thui vak lo ah RPF jawans lam chu puihna dil turin a pan a ni.

A tawng thiam that miau loh vangin thil thleng kimchang tak pawh a sawichhuak thei lo. Mahse RPF jawans te chuan a awmdan atang in thil diklo eng emaw a thleng tih an hrethiam a, hmeichhe naupang kalna lam chu an zui ta chawt mai a ni.

Hmeichhe naupang hian a nu te awmna a hruai thlen chuan a nu leh a naute chu an va hmu ta ngei a, a nu chu nikhua hrelo in chhuatah ah a lo let reng mai a ni. Ambulance te an ko nghal thuai a, a nu hi district hospital ah admit a ni zui bawk. Thil thlen hun hi Inrinni khan a nia, Moradabad railway station ah a ni. He naupang hi a chhuanawm reuh khawp mai.