Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 2 Mi Chu Covid19 Isolation Ward Ah Pawngsual A Ni

Tunlai boruak ralmuang lo takah pawh hian mi tenawm leh bawlhhlawh hi an lo la awm reng tho a nih hi.

South Africa ah hmeichhe naupang kum 2 mi chungah thil duhawmlo tak a thleng a, Covid-19 isolation ward a awmna ah chuan pawngsual a ni.

Hmeichhe naupang hi a hming tarlan a nilo a, Pretoria a Dr George Mukhari Academic Hospital ah Covid-19 isolation ward ah chuan pawngsual hi alo tawk.

Covid19 symptoms anga a awm vangin a nu in damdawiin lam a panpui a. Hospital ah admit niin a nu hian hospital a thawk te hnen ah chuan inventhu hla ah a fanu chu isolation ward ah awm a ngaih thu a hrilh.

A nu hian in lamah a haw san a, damdawiin a awm hian vawi hnih lai a nu hi an bia. Zingah chuan hospital staff te chuan a nu hi be leh in a fanu chu Covid19 a negative a, a chhuah theih tawh tih an hrilh.

Hetia hospital a an lam hian a fanu chuan kal a harsat tlat. A nu in a nappy te a thlak sak chuan a fanu serh aṭang thil var tuihnang a chhuak a hmu a, a tirah phei chuan ngaihthahlohna em em a nei lem lo. Hospital a awm vangin damdawi hnathawk a nih a ring. Mahsela a tukah pawh chuan a serh ah thil tuihnang bawk a chhuak leh ta a, a ngaih ṭha tawh lo in damdawiin lam an tlanpui leh a, a fanu chuan pawngsual alo tawk reng alo ni.

Gauteng police lam chuan Isolation Ward a kum tlinglo pawngsual tawh chungchangah hian Case hawngin Investigation an nei bawk tih Provincial police spokesperson Brigadier Mathapelo Peters chuan a sawi.

News24