Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 2 Chu Phone Charger Kaltlanga Electric Shock Vangin Thi

Smartphone kan hum deuh theuh hlawm tawh a. Phone Charge dan ah te hian fimkhur a ngai. Tin, kan Phone emaw charger chu brand rintlak tak a ni em tih fiah hmasak a pawimawh.

Northeast Brazil a Erere ah chuan hmeichhe naupang kum 2 a upa Sara Alves de Albuquerque chu mobile phone charger a khawih hnu ah current in man in electric shock vangin a boral tih hriat a ni.

Thawhtanni khan Sara Alves de Albuquerque hi damdawiin ah hruai luh a ni a, mahsela a nunna hi chhan theih reng a nih tawh loh thu The Sun chuan a puang.

Local mayor Emmanuelle Gomes Martins chuan thil thleng hi Facebook ah tarlangin hmeichhe naupang thlahna hi a hmang. Police te chuan he thihna ah hian Investigation an kalpui nghal. Phone leh charger hi brand rintlak a mi a nih leh nih loh engmah puan a la nilo.

Electric Shock vanga thihna hi Brazil ah hian a thleng fo. Nikum chhung ringawt khan Brazil ram ah electric shocks vanga nunna chan zat hi mi 355 lai ziahluh a ni tih an tarlang bawk.