Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 13 A Upa Chu A Pa Rual Vel Kum 48 Mi Pasal Atan Neih Tir A Ni, Fa An Neih Hmain A Pasal Fa Hmasa Te A Enkawl Ang

Philippines rama Mamasapano, Muslim-majority Maguindanao province ah hmeichhe tleirawl chhuak tir te kum 13 leka upa chu amah aia kum upa daih, a pa rual tur vel kum 48 a upa chu pasal atan neih tir a ni.

Mo neitu hi a hming Abdulrzak Ampatuan a nia, a nupui hi Asnaira Pamansag Mugaling a ni. Thla liam ta October 22 mai khan Islamic dan a inneihna hi buatsaih in nupa ah an insiam a, mo neitu Abdulrzak Ampatuan tan he tleirawl tuai tir tak hi a nupui 5 na lai a ni tawh tih hriat a ni bawk.

Inneihna ah hian chhungkhat hnai vai tak tak te leh an ṭhian ten an telpui. A pasal Abdulrzak chuan a nupui chu “a ni ka tawng hi ka hlim hle a ni” tiin a sawi a, a nupui thar nen hian tunah rih chuan fa an la nei dawn lo tih sawiin kum 20 a tlin ah chauh fa an nei ang a ti.

Fa an neih hma hian a nupui thar hian a kawppui hmasa laka a fate a enkawl a ngai thung dawn a, a ṭhen te phei chu a kum rualpui vel te an ni.

Abdulrzak hi mi hausa a nilo a, farmer ve mai a ni bawk. An nupa a an chenna turin in a sa tawh a, amah hi zirna a ngaisang hle. A nupui pawh hi zirna chhunzawm tir a tum tih a sawi.

Asnaira pawh in a pasal Abdulrzak chu a hlauh loh thu leh atana mi ṭha tak a nih thu te, hlim taka siam a tum tih a sawi ve nghe nghe. He inneihna hi Internet lama a darh hnu ah an lar zui nghal hle.

UNICEF data aṭang a landan in Phillippines ram ah khian 726,000 chu child brides a ni a, khawvel ah child bride tam lam ah 12 na a ni. Hmeichhia 15% chu kum 18 an tlin hma in pasal an nei a, 2% te chu kum 15 an tlin hma a pasal nei anga chhut a ni.

Tin, Phillippines ah hian a bikin Roman Catholic ah inṭhen (divorce) theih loh bur dan te zam a ni a, khawvel ram dangah inṭhen phallohna ang hi hriattur a la awm lo. Muslim-majority Mindanao region ah chuan mipa kum 15 tling tawh chin chuan nupui an nei thei. Hmeichhia erawh ṭhanthi an neih tawh chuan pasal nei thei tawh tur a ngaih an ni ṭhin.

DM & The Sun