Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 11 Chu A Pu In A Pawngsual Hnuah A Nau Paiah Thil Fel Hlel A Awm Vangin A Thih Phah

Mahni fa mai nilo tu te ngei chungah pawh hetiang thil han tih duh chu ngaihtuah zawng pawh in a thinrim thlak khawp mai.

Thailand ram a Sahatsakhan district of Kalasin province ah hmeichhe naupang kum 11 leka upa chu a pu (a pa hringtu pa) in a pawngsual vangin nunna a chan phah hial tih hriat a ni.

China Press in a tarlan danin he hmeichhia hi a pu in November 2020 khan a lo pawngsual tan tawh. Hei vang hian a rai a, amah ah thil dik lo a awm,ectopic pregnancy an tih chu alo tuar a, a chhan pawh a kum ala naupan em vang a ni. Hei hi hmeichhia te tan thil pawi tak thlen thei tu a ni bawk.

Hmeichhe naupang nu chuan a fanu hi November atang khan a dam lo a, a serh ah insawiselna a nei tih a sawi. Damdawiin a an kalpui chuan a serh ah hliam a nei tih an hmuchhuak. Doctor in naupang hian ectopic pregnancy a tuar ngei tih a nemnghet.

A fanu chunga thil thleng a hriat hnu ah Police ah a report nghal a, mahse 6 December 2020 thleng kha chuan case ah hian hmasawnna a awm thei lo.

Hmeichhe naupang hi ectopic pregnancy vang hian chaw leh damdawi a ei pawh in a luakchhuak zel a, Doctor in haemagogue hmanga a chiu pawh in awmzia a nei lo. A dinhmun hian zual lam a pan zel a, 15 January 2021 khan a boral tih an puang.

A ruang hi Khon Kaen a Srinagrind Hospital ah enfiah a medical examination tura lak a nia, a tuk January 16 ah an chenna in ah a vuina hun hi an hmang.

A nu leh pa te hi kum 5 kalta khan an inthen tawh a,a nu chuan a fanu hi School pawh kal lovin a pute in lamah infiam tura a kal fo thin thu a sawi. A fanu chungah hetiang thil a thlen hi a ring pha ngailo hul hual a ni.

Sahatsakhan police te chuan he thil thleng ah hian finfiahna an lakhawm a,local court atang a pu man theihna tur arrest warrant an chhuah an nghak. Investigator lam in a thih chhan hre turin theihtawp an chhuah mek zel bawk.