Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Kum 10 Chu Mipa 8 In An Pawngsual Rawn, Mi 7 Te Chu Kum Tlinglo An Ni

India ram hi pawngsual hluar leh nasat berna ram kan ni a, nitin maiin pawngsual tawk an awm ve deuh ziah. Haryana a Rewari district thingtlang khaw pakhat a School building ah hmeichhe naupang kum 10 mi class 5 zirlai chu mipa 8 in an pawngsual tih hriat a ni.

Police te sawidan chuan hmeichhia hi pawngsual a nih mai bakah an sual lai hi Video a la in Online ah an thehdarh a, hmeichhe naupang hian a chunga thil thleng a sawi lawk loh vangin a chhungte pawn engmah an hrelo.

Thil thlen atanga chawlhkar 3 a liam hnu ah hriatchhuah a ni ta chauh a, WhatApp a an sual lai video a viral atang in hriat a ni. A chhungten an fanu in pawngsual a tawk tih an hriat rualin Police ah thubuai an thehlut nghal.

Thil thlen hun hi May 24 khan niin an sawi a. Rewari’s Deputy Superintendent of Police Hansraj chuan thuthar lakhawm tu te a hrilh dan in pawngsualtu zinga inhnamhnawih mipa 7 te hi kum tlinglo kum 10-15 inkar an ni a, pakhat hi kum 18 a ni.

Pawngsualna a inhnanhmawih kum tling lo te hi observation home dah an ni a, kum 18 a upa erawh man a ni. An pawngsualna hmun school compound hi an chenna in hnaih lawka awm a ni a, summer holidays vanga chawlh lai a ni.