Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Heart Transplant Mamawh Tak Chu Donor A Nghah Mek Laiin A Boral

A chhungte tan a va hrilhhaithlak duh dawn em. Hmeichhe naupang kum 5 mi chu heart transplant nei tura donor a nghah mek laiin vanduaithlak takin a boral.

He hmeichhe naupang hi a hming Thalia-Beau Wright a ni a,2018 khan Restrictive Cardiomyopathy a vei tih an hmuchhuak.

A hringtunu Ellie-Mae sawidan chuan a damchhuah theihna awmchhun chu heart transplant chauh a ni. A fanu in natna danglam tak a vei tih hriatchhuah a nih khan a khawvel chu a kehchhe vek ni bera a hriat thu a sawi.

Scarborough, North Yorkshire ah an awm a. Mahsela a nu leh pa te hian an tuarthiam khawp. An fanu chunga thleng chu na ti hle mahsela an tana a ṭhat zawkna tur ni ah an ngai tlat a ni.

Scarborough Hospital a an in entir chuan chest infection pangngai mai a nih an ring a, ni 2 lai an awm hnu ah in lama haw turin an inpuahchah. An chhuah hma deuh lawk chuan hospital staff in corridor ah an tiding a, a natna chu a serious hle tih ngaihna reng an hrelo.

Ellie-Mae chuan thil engkim a ṭha in a fel vek nia a rinthu a sawi a, hospital aṭang an chhuah tur chungchang an hrilh dawn emaw a ti. Mahsela scan an neih ah thil diklo a awm tih an hrilh ta a ni.

Doctor in a dinhmun a sawi chuan a vanduai hle a. A natna ang tuar hi naupang maktaduai zingah pakhat chauh a affect thei tiin a sawi a, a nu chuan a fanu chungchang thu thinṭhawng tak an hrilh kha a rinphak loh hulhual a nih thu a sawichhuak bawk.

A boral thu an puan hnu ah mitam takin Thalia-Beau chhungkua te chu an tawrhpui zia an lo thawn hlawm.

DM