Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Chu Pawngsual Rawn A Nih Hnu Ah A Lung Leh Chuap Te Black Magic Atan Phawrhchhuah Sak A Ni

India ram Uttar Pradesh a Kanpur ah hmeichhe naupang kum 6 leka upa chu Pathianni khan ramhnuai ah a ruang chhar a ni.

Police te chuan ruang an chhar hmeichhe naupang hi pawngsual rawn a nih hnu ah a lung(heart) leh a chuap (lungs) te chu phawrhchhuah sak a nih thu an sawi a. A taksa peng, a chuap chu Black Magic atan inthawi nan hman an lo tum tih hriat a ni bawk.

Naupang hi Ghatampur area ah Diwali zan khan chin hriat lohin a bo. Tualthattu nia sawi mi pahnih Ankul Kuril (20) leh Beeran (31) te pawh man an ni tawh.

An ni pahnih phen ah hian midang phiar ru tu Parshuram Kuril tia koh in a lo tih tir a, a hnen ah hian hmeichhe naupang lung leh chuap te hi Black Magic atan an lo hlan tih ASP (Rural) Brajesh Srivastava chuan a sawi ni.

Parshuram hi Thawhṭanni khan man a nia,a nupui pawh a pasal thil tih hre reng chunga a zep pui tlat vangin an man tel bawk. Parshuram chuan a thil tih rapthlak tak hi a tirah a pha zet a, mahsela Police in nasa taka an dawp hnu ah a inpuang.

Parshuram sawidan chuan a nupui nen hian 1999 khan an innei tawh a, an inneihna a rei tawh viau chung in fa an nei thei lo. A nupui hian nau a pai vat theih nan hmeichhe naupang chuap leh lung te hi an mamawh a, a unau fapa Ankul leh a ṭhian Beeran te chu he thil ti tur hian a ruai ta a ni awm e.

Fa neih an duh vangin hmeichhe naupang pawisawilo nunna an laksak a, hetiang ang puithuna atthlak ring pawl hi India ram ah hian tam tak an la awm a ni.

IT