Mizo Elite News hi ṭha i tihzawng a nih chuan min lo Follow dawn nia

Hmeichhe Naupang Cancer Vei Chemotherapy La Chu A Pa Te Nen An Himna Tur Zawka Awmhrangin A Pa Chuan Tukverh Darthlalang Chhan Ah A Fanu Hi A Rawn Kan Ṭhin

Falkirk, Scotland a hmeichhe naupang kum 4 mi Mila Sneddon hi nikum November thla khan leukaemia natna in a tlakbuak a, leukaemia a vei tih hriat a nih hnu hian chemotherapy a la zui nghal.

Khawvelin hri avanga buaina a tawh mek Coronavirus in ram hrang hrang a run hnu in he hmeichhe naupang nu leh pa te pawh hian an tan a ṭha turin thutlukna an siam a, awmhran mai chu an tana ṭha ber niin an hre ta a ni.

Lynda Sneddon, 36, leh Scott Sneddon, 50 te nupa hian awmhran chu an ngai pawimawh hle a, thu tlukna an siam hnu in Mila hi a nu Lynda Sneddon kiang ah chengin a pa Scott Sneddon leh a unaunu chu in hran ah an cheng thung.

A pa Scott Sneddon hian Mila hi a tlawh fo ṭhin a, mahsela in chhungah lut lovin darthlalang chhan aṭang chauh in an inhmu thei. Darthlalang chhan ah hian Mila hi a pa nen an infawp a, tiang hian hun an hmang.

Lynda Sneddon chuan harsa hle mahse hetianga awmhran hi an ṭhatna tur chuan a ngai a ti a, awmhran pawimawh zia chu uar taka sawiin ho lam a ngai hauh lo turin midang te chu a chah bawk.

Lynda Sneddon chuan a tirah chuan an fanu Mila hian a pa leh a unaunu te in hranga an khawsa chuan a ti hrilhhai hle a, mahse an hrilhfiah hnu ah chuan a hrethiam ve ta mai a ni tih a sawi.

DM