Mizo Elite News hi ṭha i tihzawng a nih chuan min lo Follow dawn nia

Hmeichhe Kum 19 Mi That In A Taksa Chan Darh

Rapthlak tak a ni. Hriat pawh a nuam lem lo khawp. western Minnesota pa pakhat chuan hmeichhe nunna a laksak a, a thah tak hmeichhia hi a nunna a laksak satliah mai lo,a taksa te chu a chan darh sak.

He misual hi Ethan Broad, 27 a ni a, hmeichhia a thah tak hi Dystynee Avery, 19 a ni. Garage ah chuan a taksa te hi a chan darh in a hnu ah garbage bags ah a dah. south Moorhead a a chenna apartment pawn hnaih a hnawmhnawk dahna chuan a dah a ni.

A taksa chan darh na atan hian thingzaina (saw) a hman thu a sawi. A tirah a pha zet a, tu emaw in a lu ah pipe a vua in a hrawk a zai a ti. Mahsela a hnu chuan Avery hi that in a taksa te hi a ṭhetsawm tih a inpuang.

Broad hi Avery nen hian engtianga inzawmna thuk nei nge an ni tih chiang taka hriat a nilo. Avery hi hun reilo te chhung a kiang ah hian a khawsa an ti. Avery hi April 3 a Moorhead a an hmuh kha an hmuh tawpna a ni a, a ṭhian ten April 5 khan a bo thu an report.

Ethan Broad hi kar liamta khan rawng taka mi nunna a lak vangin man a ni. May 14 hian Court ah a inlan leh dawn a, a chungthu a rit viau dawn. A chhe berah kum 40 lai Jail a tan ngai ang.

CBS