Mizo Elite News hi ṭha i tihzawng a nih chuan min lo Follow dawn nia

Hmangaihna vanga thinlung hliam Olivia Rodrigo chuan a duhthusam mipa a tawng

Kum 18 lek ni chunga rimawi khawvel al hneh tak mai leh Taylor Swift fanu an tih hial khawp a zaithiam Olivia Rodrigo hi a hla sak reng reng leh hla thu na tak atang in mite ngaihven a hlawh a, heng a hla te hian a ma mimal nun a puangchhuak niin an ngai hlawm vek.

He zaithiam kum la naupang tak hian thinlung kehsawm tih hriat tak a Drivers License hla an rawn sak zet kha chuan a tawng ve lo te tan pawh rilru nat vawng vawng na hial min thlen thei a ni.

Mahsela Olivia chuan hmangaihna vanga thinlung hliam a tawrh hnu ah hmalam panin tunah zawng a nunah mipa thar hmel a rawn lang ta a, Olivia leh a bialpa thar nia sawi mek, Adam Faze te chu Los Angeles kawtthler a duh taka an infawp leh kuah vawng vawng lai thlalak hmuh a ni ta.

An inkar hi an mahni atang nemngheh thlap la nilo mahse thlalak hmuh atang ringawt pawn hmui insi chet a infawh chu thian inkawm satliah an nih ngawt a rinawm lo tih mimawl ber tan pawn a hriatthiam loh theih loh.

Olivia bialpa thar Adam Faze hi mi satliah ringawt a ni lo a, producer leh director te a ni. Amaherawh chu fans thenkhat te chuan heti khawp a chianga an infawp hmuh a ni chung hian an la ring thei lo a, Music Video khawi emaw a mi screenshot mai mai ah ngai an awm bawk.

A hma in Olivia hi ‘High School Musical’ ah a chang thin a, he film a chanpui Joshua Bassett nen an inngaizawng zuai hman. Mahsela an inkar hi a daihrei lo khawp a, a hnu lawk ah an inthen a ni.

Tichuan ‘Drivers License’ hla nalh tak chu a rawn chhuak ta a, Olivia hian he hla hi a bialpa hlui rinawm lo tak tana a phuah a ni tih hriat takin hla thu a inremkhawm. Joshua Bassett chungah ‘Drivers License’ hla thu hian mit a fuk tir thup. Olivia hian a bialpa chu hmeichhe dang laka rinawmloh san ah a puh. Joshua hi a ni ngei a ni tih nemnghehna tluantling awm lo mahse mitam zawk chuan an pawm a, Olivia nen an inngaihzawn lai khan Carpenter lakah a rinawm loh san an ti.