Hmangaihna ah hian mi pahnih te pumkhat a insiam hi dan pangngai tur a ngaih vek a nia, mahsela khawvel ah hian mi danglam tak tak, hmangaihna a midang mamawh hauh lo hi a awm theih ve leh tlat a ni.
French pa pakhat chanchin hian mite mak tih leh sawi a hlawh ang reng khawp. He pa hi hmangaihna kawng ah a tluang lo ang reng hle a, vawi 17 lai mai alo hlawhchham tawh a ni.
Hmangaihna kawng bum boh taka vawi tam a tluk sual fo tak ah chuan ngaihdan tha zawk a nei a, hmeichhe dang mamawh tawh lovin hmangaihna chu amah leh amah inhlan chungin mahni te lawng in inneihna a hmang ta ringawt.
Facebook a Group pakhat Silent Art ah chuan a thlalak hi phochhuah a nia,a hming hi Antoine Chauval niin, a thlalak Caption ah chuan “vawi 17 lai mai hmangaihna a a hlawhchham hnuah Antoine Chauval chu amah leh amah a innei” tiin dah a ni.
Mitam zawk te chuan inneihna a Antoine Chauval thuamhnaw in belchhuah dangdai tak chu an ngaihven nasa nghal hle a, a thuamhnaw hak hi hmeichhia leh mipa wedding outfits niin, a chanve zawng hmeichhe thuamhnaw leh a chanve dang zawng chu mipa mo thuam a ni. A landan atang reng pawn uluk leh idea nei taka thui a ni tih a hai theih loh.
Mahni leh mahni innei hi Antoine Chauval chauh hi a lo ni bik tawh lo. A hma pawhin Brazil ram a mi Diogo Rabelo chu a bialnu Vitor Bueno nen inhualna an nei a, innei tura an inbuatsaih mek laiin an inthen leh tak thut vangin inneihna thulh aiah a chhungte leh thian tlem te hma ah chuan amah leh amah a lo innei tawh a ni.