Mizo Elite News hi ṭha i tihzawng a nih chuan min lo Follow dawn nia

Hmangaihna In Ramri A Khamlo Tih Lantir In French Nula In India Tlangval Chu Pasala Nei Turin A Zin Chilh

Hmangaihna hian tawng, vun rawng leh sakhua a thliar loh zia a chiang uar uar mai. French nula chuan damchhunga a kawppui atan Bihar tlangval thlangin pasal a nei turin India ram ah a zinchilh vang vang tih hriat a ni.

French nula hi Mary Lori Heral a ni a, Paris ah cheng thin in businesswoman a ni bawk. Kum 6 liam ta khan India ramah a zin a, Rakesh hi India ram a cham chhunga Mary kaihruaitu Tour guide in a awm. Rakesh hi Katharia village, Begusarai lam mi a ni.

Delhi a awm chhungin Rakesh leh Mary Lori Heral te hi an inngaina chho hle a, heta tang hian inkawp chho zelin Paris lama a kir hnu thlengin an la inbe chhunzawm reng a,an inhmangaihna chu a ni telin a zual telh telh. Kum 3 chhung an inhriat hnuah Mary hian Rakesh hi Paris ah zin a textile business bultan pui turin a sawm a, chutiang a hna te an thawh dun hnu ah chuan innei turin thutlukna an siam ta hial.

Rakesh pa Ramchandra Sha pawhin Mary chu Indian culture leh traditions te a ngainat hle thu a sawi. An chhungte lam ve ve phalna te an hmuh hnu chuan Mary hi India ah zinin Pathianni, November 21 khan Rakesh nen an chenna ah Hindu dan ang in an innei ta a ni.

An fanu inneihna hmanpui tur hian Mary chhungte pawh Paris atang India an kal vang vang a, inneihna hmanpui tur in khaw mite mai bakah khaw thenawm ho te pawh an kal khawm a, foreign atang mikhual an awm bawk.

Nupa tuak thar te hi India ramah chambangin Paris lam ah an cheng dawn a ni.