Mizo Elite News hi ṭha i tihzawng a nih chuan min lo Follow dawn nia

Hmangaihna in kum zat a thliarlo tih fiahtu Madonna leh a bialpa te Italy khawlai ah

Bawngtar pawh in luang no tho a lawm a duh an tih thin kha. Queen Of Pop tia koh hial, chuai theilo Madonna chuan kum 63 a tling ve ta a, a piancham hi Italy ah lawmna neih a ni.

Madonna kum 63 tlin lawmna ah hian a bialpa duat kum 27 lek toyboy toyboy Ahlamalik Williams pawh a tel ve leh ngei bawk a, Italy khawlai an lenchhuahna a an infawp zeuh pawh Paparazzi ten an hmuh hmaih lo nasa, Ahlamalik hi kum naupang te ni chungin a special ru riau zawk. A chhan chu a nu pawh rual pha meuh lo tur kum upa tawh tak Madonna tan mipa tha tak ah a tang thei tlat.

Ahlamalik hi dancer leh choreographer a ni a, Madonna nena an kum inthlauhna pawh kum 36 zet niin Madonna tan chuan a fa rual vel tur lek chauh a ni. Amaherawh chu hmangaihna chuan kum tam leh tlem a thliar ve miau loh vangin an inkar hmangaihna hi an kum zat chuan a dang chat thei lo.

Madonna kum 63 tlin lawmna ah hian a fate 6 lai Lourdes, 24, Rocco, 21, David Banda, 15, Mercy James, 15, leh phir te Estere & Stella Ciccone, 8 pawh an tel ve nghe nghe. Party leh chaw ei khawm in pui takin birthday lawmna hi buatsaih a ni.

Madonna leh Ahlamalik te hi 2019 atang khan sawizawm tan an hlawh tawh a, hetih lai hian Ahlamalik hi Madonna Tour neihna ah kalin Europe, America leh east Asia ah a zinkual. Hun eng emaw ti chhung thian angin an inkawm hmasa a, fans te erawh in an inkar an ringhlel tulh tulh bawk si.

September thla ah Concert pakhat a an kaldun lai hmuh a ni a, heta tang hian an inngaizawng ngei tih an ring nghet hmiah, an mahni lam atang erawh nemnghehna engmah a la awm chuang lo. December ah Ahlamalik hringtupa Drue chuan TMZ hnenah Madonna leh a fapa te an inngaihzawn ngei thu hi puangin a lawmpui thu leh hmangaihna in kum a thliar lo tiin a hrilh ta a ni.

Queen Of Pop hian Ahlamalik nen an inkawp hma hian artist Jean-Michel Basquiat leh Sean Penn te ho a lo kawp tawh thin a, a fate zinga 2 te hi a fa hrin dik tak an ni a, a dang 4 te erawh fa atana a lak (adopt) an ni thung.