Mizo Elite News hi ṭha i tihzawng a nih chuan min lo Follow dawn nia

Hmaichhan A Vawikhat Mah La Inhmu Lo Te Chu Online Kaltlangin An Innei

British hmeichhe pakhat chu a hmangaih mipa Online kaltlanga a tawn nen chuan a tak ram ah hmaichhan ngeia la inhmu miahlo chung in Online Ceremony in inneihna an hmang tih hriat a ni.

Lancashire a cheng Ayse, 26 in pasal atan a neih hi Darrin, 24 a ni a, Darrin zawk hi Detroit, United State ah a cheng thung. Online kaltlanga an inbiak hnu ah an inkarah chuan hmangaihna a piang a, hmaichhan ngeia inhmuh duh viau mahse hripui leng in kawng a dal tlat vangin inhualna leh inneihna hi Online lamah an nei a, kumin August thla khan Zoom call hmangin an innei.

An pahnih hian an inhriatchhoh dan pawh Ayse hian Facebook group pakhat a Join a, Darrin nu Kenda, 56 nen inhmelhriat hmasa phawtin Kenda chuan a fapa nen an kum pawh a inzat tawk vel thu a hrilh a, a fapa number te inpe kualin July 2020 atang khan an inbe chho tan. A tirah chuan thian satliah angin an inkawm a, mahse thian atang chuan zawi zawiin hmangaihna ah a inlumlet chho ta a ni.

Ayse hian July thla khan a vawikhat nan Darrin hmu tura US lam pan a tum a, mahse hri vangin zin veivah kawngah harsatna tawkin Direct in US lam an pan thei lo. Hei vang hian hmaichhan ah pawh an inhmuh theih loh phah.

An tana remchan zawkna kawng dap chungin Online hmanga inneih mai chu rem an ti tlang a, August 19 khan Ayse leh Darrin te hi dan angin nupa ah an insiam a,an inneihna hi Online ni mahse bridal gown leh Suit te nen pangngai tak leh a nihdan tur angin thuamhnaw pawh an inbelchhuak ve thlap bawk.

Ayse chuan midang ten an ngaihdan turah an buailoh thu sawiin an inkara hlimna leh inhriatthiam tawnna chu thil pawimawh ber zawk a nih thu a sawi a ni. Hmaichhan ngeiah inhmu in nupa hlim tak an nih chhunzawm zel theih pawh beisei ang.