Mizo Elite News hi ṭha i tihzawng a nih chuan min lo Follow dawn nia

Hlawkna Um In An Fanu Ngei Chu Mi Nupui Atan Hralh An Tum Tih Hriatchhuah Ani A

Hmun thenkhat ah chuan hmeichhia te dinhmun a hnuaihnung em em a, bungrua ang mai mai a hralh thin an ni. Heng ang tuartu te hian an hlauhthawnna lamah an chunga thil thleng hi an sawichhuak ngam ngailo bawk.

China ah nupa tuak khat te chuan an fanu kum 14 a upa chu an hamthat nan tihluihna hmangin mi nupui ah hralh an tum chu Police ten an hriat hnu ah hmeichhe naupang hi chhanchhuah ani.

CNN in a tarlan danin hmeichhe naupang hian Zhongnin county a local Police te bia in a nu leh pa ten tihluihna hmanga kum tlinglo a pasal neihluih tir an tum tih a hrilh. Police leh official lam te chu mo neitu te chenna in ah an va luhchilh nghal.

China ram ah kum tling lo a pasal neih hi dan phal loh tawp a ni a, Chinese government chuan kum 18 hnuai lam chu nupui/pasal neihtir a phallo, heng thil tilui a nawrluihna leh remtih pui tu an nu leh pa emaw pi leh pu te chu hriatchhuah an nihin na taka hremna pek theih an ni bawk.

An ram dan ah chuan inneihna ah a mipa zawk kum 22 leh hmeichhia kum 20 chu nupui/pasal nei thei chin a pawm an nih thu tarlan a ni. He hmeichhia pawh hi a duh reng vang nilo in tihluihna hmangin pasal nei turin a nu leh pa hian an ti ringawt.

Thu neitu te beng a thlen hnu ah hmeichhe chhungte lam hian mo neitu te hnen ah thuamchhawm (dowry) chu an pe let a, mahse pawisa thenkhat an hmang hman. Naupang hi a nu leh pa te bulah hruai kir leh a ni tih an sawi.

Chinese authorities ten hmeichhe naupang an chhanchhuah vangin Social Media hmangtu ten an lawmzia an tilang a hetih lai hian hralh tum tu a nu leh pa te hnena an let tir leh kher erawh chuan sawisel a hlawh ang reng viau. Thuamchhawm duh vanga an fanu hralh tum tu nu leh pa te chu an phu tawk hremna pek ni ngei turin an phut tih an tarlang ani.