Mizo Elite News hi ṭha i tihzawng a nih chuan min lo Follow dawn nia

Heng Naupang Te Hian An Sum Neih Te Hmanga Ei Tur Leiin Covid19 Vanga Hah Leh Rim Taka Hnathawk Doctor Leh Nurse Te Hnenah Eitur Hlan

Covid19 hrileng vang in khawvel a rum mek a, hmun hrang hrang ah mitam tak mangang leh thlabarin a ṭhen in nunna an chan a, a ṭhen pawnchhuak thei lo in awm mek bawk a ni.

Puitling leh kum upa tam zawk te pawhin a an ngaihtuahchhuah thiam meuh loh tur hi kum la naupang zawk heng hmeichhia te hian tihna chang an hre tlat hi an chhuanawm hle a, an chanchin pawh hi a darh zui chak nghal hle.

Kaleisha Pilkington chuan a fate thil tih leh an duhthusam chu a rawn sawi a. A fate hian an sum neih ang ang hmang chuan ei tur lei in an ram Australia, Perth a Fiona Stanleya Hospital a Covid19 hrileng vanga hah leh rilṭam pawh sawithei lo a theihtawpa hnathawk te Doctor leh Nurse hnen ah an ei tur lei te hi an hlan ta a ni.

Bag a ei tur bak ah lehkha a thuziak rilru khawih tak mai chu an zep tel bawk a. Lehkha ah chuan Doctor leh Nurse te chu ‘superheroes in scrubs’ tiin an ko a, chhel tak a lungngaih leh beidawnna karah pawh beidawng duh lo a an theihtawp an chhuahvangin an chhuang a, heng ei tur tlem a zawng hian tlemte tala ṭanpui theih an beisei tih an sawi.

Australia ah hian coronavirus cases hi 800 chuang zet a ni tawh a, thi zat hi 7 awm tawhin Mailonline chuan a puang.