Mizo Elite News hi ṭha i tihzawng a nih chuan min lo Follow dawn nia

Helicopter A Siamchhuah Chu Enchhinna A Neihna Ah Blade Vir Chuan A Hrawkah Zai In A Boral Phah

Maharashtra’s Fulsawangi khua, Mahagaon district a cheng kum 24 a upa Sheikh Ismail Sheikh Ibrahim chu a kut kawih ngeia inchhuang taka a siamchhuah Helicopter chu enchhinna a neihna ah a thilsiam ngei chuan a nunna a lak phah tih hriat a ni.

Sheikh Ismail Sheikh Ibrahim hian an khua ah chuan a thil siam avanga lar beisei chungin Helicopter hi a siam a, a hming atan ‘Munna Helicopter’ tiin a lo vuah ve ngat bawk. YouTube kaltlang in a ruang am tur vel design chu enkual in theihtawp a chhuah a, a part vel ngaihtuah nan pawh kum 2 lai hun a hmang. Steel pipes hmang a remkhawm in Maruti 800 engine chu a vuah bawk.

A lo ruahman dan chuan Independence Day ah a thil siam hi an awmna khaw mipui te hmuh theih tura phochhuah a tum. Mahsela phochhuah a nih hma hian a thian te hma ah August 10 khan enchhinna a nei hmasa a, a that zia lantir tuma engine an ti nung chu rotor blades wings chu a vir tan a, chak taka a vir lai chuan blade hriam tak hian Ismail hrawk ah tak a lo zai sak a, a awm hmun ah a tlu nghal tawp.

A thian te chuan a awmna lam pan a kal khawm in an bawihsawm nghal vat vat a, Pusad a damdawi in hnai ber ah hruai in mahse medical lam ten an enkawl hma hauh in a hliam tuar lo hian a boral nghal a ni.

A thianpa Sachin chuan Times Of India hnen ah ‘3 Idiots’ a Rancho character chuan phurna pe in Ismail hian mite tih ngai lem loh thil danglam tak tih a duh tlat thu a hrilh. A thian pakhat chuan Test a neih hmasak ah Helicopter pawh hi a tha vek a, thlawh pawh a thlawk kang thei. Ismail hian a hma a enchhinna alo neih ah helmet leh headphones te a vuah ziah thin a, mahse tuna test hnuhnung ber ah hian engmah a vuah loh thu a sawi.

Ismail hi School bang tawh a nia, Class 8 thleng chauh a kal. A unaupa gas welding workshop ah hna a thawk thin a, almirah, cooler leh inchhungkhur thil lam a siam thiam hle bawk a ni.