Mizo Elite News hi ṭha i tihzawng a nih chuan min lo Follow dawn nia

Healthcare Worker Pakhat Corona Vaccine A Lak Hnu Ah A Thi

Coronavirus in min chen chilh mek a, mi eng emaw zat nunna a suat sak tawh bawk. Vaccine hrang hrang te siam chhuah a nih chhoh laiin chanchin duhawm lo leh mipuite ti ralkhel thei thil hriat a ni zui leh nghal.

Norway lam in Covid19 Vaccine lak vanga thi an mawhpuh hnu ah India ram ah pawh Vaccine vanga nunna chan ta sawirik ve leh a ni ta.

Telangana a healthcare worker pakhat kum 42 a upa chuan Covid Vaccine a lak hnu lawk ah a thi nia sawi a ni a, he healthcare worker hian Thawhlehni khan Nirmal district a Kuntala Primary Healthcare Centre (PHC) ah Vaccine a lak thu hriat a ni.

Nunna chan ta hi Vitthal tia koh ambulance driver a nia, a chanchin hian mipui te pawh a ti thlaphang hman hle bawk. Vaccine a lak hnu darkar 18 ah January 19 zan ah chuan awm na (chest pain) nei tanin January 20 zinglam khan district hospital ah a boral.

Health Worker chhungte hian a thih chhan ah hian engdang nilovin Vaccine vang tiin huai takin an mawhpuh a,state health department erawh in vaccine leh a thihna hian inzawmna a neilo a,vaccine vanga thi a nilo an ti thung.Telangana health department in district AEFI committee lam enfiah chanah puangin post mortem turin an ti bawk.

IndiaTimes