Mizo Elite News hi ṭha i tihzawng a nih chuan min lo Follow dawn nia

He Rawlthar Hian A Bialnu Covid19 Veia Inkhunghrang Chu An Chenna In Pawn Ah A Awmpui Tlat Ṭhin

Hmangaihna chuan eng pawh a tuarchhuak ṭhin an lo tih kha. A tana a bialpa inhlanna leh inpumpekna hi a va lawmawm dawn em. Bialpa vannei tak a nei a ni.

Texas a mi tleirawl pakhat Camila Baldasso, 17 hi Covid19 a positive a, amah ah symptom hi a langchhuak lem lo. Hetia hri a vei hi amah leh a bialpa pawh a ṭhawng hle.

Mahsela a bialpa Collin Ouellette, 19 chuan a bialnu Camila a inkhung lai hian a theihtawp in a bula hun hman dan a ngaihtuah a, a bialnu hi an chenna in pawn lam ah chuan vengin a lo awmpui tlat.

A hun tam tak chu Camila te in pawn ah hian a hmang a, inkhawih theilo leh inkar hlat chung siin hun an lo hmang dun ṭhin.

Camila chuan “a rilru pawh a na ve hle. Mahsela a hun tam thei ang ber ka kianga min hmanpui turin a intiam a, a thutiam chu a hlen ngei bawk” tiin a bialpa chungchang hi alo sawi a ni.

Collin hi atan inpum pek viau mahse ruah ten nan a thosi ten an seh chu atan hmuh hrehawm a tih thu Camila hian a sawi. Vanneihthlak takin test an neih leh chuan a negative ve ta a, amah nghaka lo veng tlat ṭhin tu Collin nen chuan a tawpa tawpah inkhawih in an inkuah leh thei ta

A bialnu tana a inpumpekna hian midang te rilru pawh alo khawih viau nghe nghe. Collin ang mipa hi hmeichhe tam tak te lo duhthusam ṭhin mipa a nih ve ngei pawh a rinawm bawk.

DM