Kum 1 leh a chan ve chuang lai chu hripui vangin ram kan buai mup mup tawh a, ei leh bar zawn kawng ah nunphung zawng zawng a ti khaih lak vek. Chhungkaw harsa ve tak tak, kawl a ni chhuak chhiar a inhlawh thin tan phei chuan he hri hi a nunrawng zual a ni.
Hripui vanga Lockdown puan a nih avang in mi eng emaw zat ten tunah hian an hna an chan tawh a, mahni ei tur neilo khawp in hun an hmang mek a ni.
Kolkata a putar pakhat Sunil Pal hian khawlai ah a ei tur thawkchhuak in hun a hmang a, a fate ho in enkawl peih lo in an kalsan. Amah hi lemziah thiam tak a ni a, a lemziak te zuar hian khawlai ah a theih dan kawng kawng in a mamawh phuhrukna tur a inngaihtuah.
Sunil Pal hian heng a lemziah te hi ₹50-100 in a zuarchhuak a,Axis Bank, Gol Park hma ah a painting mawi tak tak te hi a thutpui ran thin. Amaherawh chu ram chhung a hri laka himna atan inkhuahkhirhna kalpui a nih vangin duh angin dawrtu Customer a nei tha thei lo.
A chanchin hi Twitter ah tarlang in Kolkata mi leh sa te hnen ah he putar hi tanpui dan kawng lo dap sak turin an ngen a, a fa ten hri len kara an hlamchhiah mai hi demtu an thahnem viau bawk.