Mizo Elite News hi ṭha i tihzawng a nih chuan min lo Follow dawn nia

He Pitar Hian Lockdown Lai Pawh Ni Mahse Midang Ten Awlsam Zawka Ei Tur An Hmuh Theih Nan A Man A Tisang Ngailo

Tamil Nadu a Coimbatore a awm pitar kum 80 a upa K Kamalathal hi a fakawm in chawimawi tlak a ni khawp mai.

Kum lam ngaihtuah chuan kum upa tawh tak a ni a, mahsela midangte a tanpui theihna turin ei tur a buatsaih thin. Hripui len laiin mitam tak nun phung a khawih buai a, hei hian rethei leh harsa zawk te nasa takin a chawkbuai a ni.

Amaherawhchu K Kamalathal hian rethei leh harsa te te ten an ban phak maia ei tur an hmuhna turin homemade idlis chu a zuar. A thil zawrh hi Rs 1 chauhin a hralhchhuak thin a, kum 30 kalta atang khan Vadivelampalayam ah alo in zuar tan daih tawh.

A thil zawrh man te hi rethei te te tana ban phak tura a tih vangin Rs 1 chauhin a hralhchhuak thin a, lockdown leh hlep a awm lo chung pawhin a man a tisang ngai lo. A motto chu a dinhmun anga ding ve mi rethei leh tanpui ngaite chhawk zangkhai hi a ni.

Zing ni chhuah hma atangin Pi K Kamalathal hian ei tur te hi a buatsaih ziah a, midang ten a hralhna man aia sanga zuar chhuak tura an tih pawhin a duh der lo a, hlep tam neih aia riltam leh rethei zawk ten malsawmna an hmuh chu a duhthusam ber a ni. A fakawm tak zet zet.