Mizo Elite News hi ṭha i tihzawng a nih chuan min lo Follow dawn nia

He Pitar Hian A Tupa Enkawl Nan A Vunrawng Thlakin Khawlaiah Milim Angin Kut A Dawh Thin

Fate hmangaih ai hian tu te hmangaihna hi alo na zawk tih hialin an sawi thin a nih kha. Indonesia rama nu pakhat kum 60 vel a upa tawh hian khawlaiah milim anga dingin tanpuina a lo dil thin.

A vunrawng pangngai chu Silver in a ti danglam a, milim ang maiin Nisa hnuaiah a ding a, a bulah bawm a dawh. Hetia mite tanpuina a ngen chhan chu a tupa kum 2 enkawla ei tur a pek theihna turin a ni.

A tupa Reihan nu leh pa te hi an inthen a, a tu zawk mahin enkawl lovin Mumun enkawl turin a kut ah an hnuchhiah. Mumun hian a theih ang tawkin a enkawl a, a hma in Tangerang ah house helper in hna a thawk thin.

A tupa nena an inchawmna khawp a nei zo lova, miten an tanpui theih takah tiin a vun rawng ti danglamin khawlai ah hian a tupa pawmin kut a dawh ta tawp a ni.

Silver rawng a a vun a thlak hi tihreh nan dish-washing liquid a ngai a. Thla 4 chhung hetiang hian mite tanpuina alo dil tawh. Nitin Reihan bawnghnute leh a ei tur te a neih theih chu atana hlu ber leh pawimawh ber a ni tiin a sawi. A tupa a hmangaihna vanga a thil tih hian rilru a hneh khawp mai.