Mizo Elite News hi ṭha i tihzawng a nih chuan min lo Follow dawn nia

He Pitar Hi 10×10 sqft A Zauah Chengin A Choka Bul Chhuatah Kum 10 Ai A Tam A Mu Tawh

In lian leh ropui tak tak te chu tu pawhin kan duh theuh a lawm. Mahse dinhmun a in an thin loh vangin kan nei thei vek lo thin zawk a ni.

He pitar pawh hian in leh lo tha tak te chu a duh ve ngei ang le. Amaherawh chu atan chuan a chenna in te reuh te hi building changkang tak tak te nen a hlut dan a in ang reng. Mi in khawvel hi a pumin nei se, a nun chan leh si se eng nge atan sawt ang.

Kuan Chee Heng tia koh Uncle Kentang tia hriat chuan pitar pakhat KL a khawsa chanchin hi Facebook Page kaltlangin a rawn tlangau pui a ni. He hmeichhia hi In tia sawi tham loh khawpa zim 10 x 10 square feet a zauah a cheng mek a, a in a tet em vangin mutna tha pawh a nei lo.

A rawngbawlna choka hnaih lawk chhuat ah chuan a mu mai thin. Amah hi Chinese mi nia tarlan a ni. Uncle Kentang chuan a chenna in hi te hle mahse fai takin a enkawl thin a, mattress pawh nei lovin chhuatah kum 11 lai chu alo mu tawh tih a sawi

Thlai vel hralhin a in enkawl ve hram hram a, Uncle Kentang hian he pitar hmu tura kaihruaitu Pathian hnenah lawmthu a hrilh hial a, a thil mamawh ang ei tur leh thil dangte kensakin tanpui duh tan tanpui theih dan kawng a tarlan sak bawk.

Harsa zawk te tanpui tu nih tluka hlu dang a awm bik awm lo ve. Kan hnaih lawka awm tanpui ngaite kan tanpui hi kan rawngbawl ve theih na kawng a ni tih i hre thar leh ang u.