Mizo Elite News hi ṭha i tihzawng a nih chuan min lo Follow dawn nia

He Pa Hian A Thenawmnu Lung Phawrh In A Chhum A, A Chhungte 2 A That Bawk

Thawhlehni khan Lawrence Anderson, 42 lakah hian three counts of murder charge siam sak a ni a,Oklahoma authorities te tarlan dan in Anderson hian a thenawm hmeichhia bakah a chhungte nunna pawh a laksak bawk tih hriat a ni.

February 9 khan a thenawm hmeichhia Andrea Lynn Blankenship chu a chenna in Chickasha ah luhchilh in a thah hnu ah a lung (heart) chu a phawrhchhuah sak a, alu (potatoes) te nen a chhum pawlh a, thlarau sual laka zalen nan a chhungte ei tir tur a ti a ni.

A thenawm nu chunga rawng taka a chet hnu ah an chenna lama a kir hnu hian a chhungte mi 3 chu a vit zui leh a, a patea leh a tunu te chuan an hliam tuar lovin nunna an chan zui bawk. A nutei erawh vanneihthlak takin a nunna a chan lo. Delsie Pye hian a mit ah te hliam a tuar a ni.

Oklahoman te chuan Anderson hi Jail a tan reng hnu ah kumin January thla khan chhuah zalen a ni a, Jail atang a chhuah hian a patea te chhungkua bulah chengin a khawsa. Mahsela a chhuah atang thla tam pawh a la liam lo tihin thil sual rapthlak tak a khawih zui leh ta a ni.