Mizo Elite News hi ṭha i tihzawng a nih chuan min lo Follow dawn nia

He Office chhia aṭang ngei hian hna ka thawk ang – Kangana Ranaut

Bollywood Actress, Kangana Ranaut chu Maharashtra lam te nen an inhmuhthiamlohna kal zel ah tlawm mai a la tum lo. Tlawm ai chuan a huaisenna a nei belh chho telh telh zawk emaw tih mai tur a ni.

September 9 khan Kangana Ranaut hian amah bei tu tam tak kar ah Mumbai lei lung a rap a, amaherawh chu vanduaithlak takin Mumbai a a Office/bangla chu Brihanmumbai Municipal Corporation (BMC) ten dan lo anga sak tiin JCB nen an thawkchhuak a, nawrchhiat hna an lo ṭan ve bawk.

Kangana chuan Mumbai a thlen tuk ah BMC ten a Office an nawrchhiat sak hi a hmun ngei ah a enfiah a. Twitter ah tlawm mai a la tum loh thu huaisen takin a rawn sawi leh.

Tweet a siam ah chuan BMC lam in an nawrchhiat a Office hi January 15 a hawn chauh a ni a, mahsela hripui leng avanga hnathawk mumal lo in a luah pawh a luah lum hman em em loh thu a sawi.

Tunah BMC ten dimna nei lovin an tihchhiat sak a. Kangana hian a Office tuai thar lehna turin sum leh pai a neih loh thu a tarlang “he office chhia aṭang ngei hian hna hi ka thawk dawn” a ti a ni.

BMC te a chunga an chet dan chuan inhneh tir a tum lo hual hual a. Office an suasam na hian tumruhna pe zualin amah do tu te laka a ke chheh phet lo tura entir zawk tu ah a hmang ṭangkai dawn. Tweet a siam tawp ah hian hastag ah #KanganaVsUddhav tiin a khar bawk.

Union home minister Amit Shah hmalakna in Kangana hi Bollywood star zinga hmasa ber atan Y-Plus Security pek a ni a September 9 khan venhimna ṭha tak hnuai ah Mumbai ah a kir.

Shiv Sena leader Sanjay Raut te nen an inbeihna ah Kangana hian a himna a ngai pawimawh hle. An buaina zualkai chhan pawh Kangana in Mumbai chu Pakistan-occupied Kashmir tia a sawi vang in, Raut hian Mumbai a tih dan ah a dem hle a Maharashtra leilung rap reng reng lo turin a lo hriattir a ni.

Hindustan Times