Mizo Elite News hi ṭha i tihzawng a nih chuan min lo Follow dawn nia

He Naute Lainatawm Tak Chunga Thil Thleng Hi Hmuh A Va Hrehawm Em

Misual ber pawh lo ni mah ila mahni rila rah fate chungah tal chuan hmangaina leh khawngaihna chhete tal chu neih ve awm. Mihring hi kan lo in ang lo teh e.

China ram ah bawk naute pianghlim, a laihrui tak ngial pawh la cheh chah hman loh chu a hringtu nu leh pa ten bawlhhlawh paihna ah hnuchhiah in thi turin an kalsan.

Naute hi plastic bag ah tuam a ni a delivery hnathawk Hai Yafeng chuan a motorbike park na bulah lawk chuan naute ṭap thawm hi a hre ta a, naute a hmuh hnu hian Police lam te a be nghal.

He naute chhar a nihna lai tak hi northern Chinese region Ningxia ah a ni. Enfiah turin damdawiin ah an hruai a, a pianna pawh a la rei lo tih a hriat. Darkar 1 emaw darkat 2 vel liam ta maia piang niin a lang bawk.

A dinhmun erawh a ngaihtuahawm lo tih an sawi a, a nu leh pa dik tak hre tur hian Police ten hma la in zawn hna an thawk mek a ni.

China ram ah hian hetianga mahni fa te enkawl duh lo a kalsan hi a hluar hle. Tunhnai lawk pawh khan nupa te chuan an fa atan mipa nilo a hmeichhia an neih vang in an fanu pianghlim chu duh lovin an lo kalsan tawh a ni.

DM