Mizo Elite News hi ṭha i tihzawng a nih chuan min lo Follow dawn nia

He Naute Danglam Tak Hian Hmutu A Piangte Mak Tih A Hlawh Hle

He naute hi a hming chu Jaxon-James Ayers a ni a,Northern Ireland ah chengin a pian tur hun an beisei ai hma chawlhkar 8 ah a piang.

Jaxon-James hi a pian atang rengin naute dang aiin a danglam nghal hle. A chhan pawh naute pianghlim deuh chauh tilo chuan sam thahnem tak a nei nghal tlat mai a, a sam chu a thangchak viau bawk a ni.

Hyperinsulinism an tih natna danglam leh vang tak chuan a tlakbuak a, he a natna hi naute 30,000 zingah pakhat chauh nghawng nei a kai thei a ni tih an sawi bawk.

A enkawlna atan hian Diazoxide pek thin a ni tih a nu chuan a sawi. He a natna enkawlna a damdawi vang hian midang te mak tihna chu a rawn siam phah ta, a sam chu a pangngai ai bak bakin a thang chak tir a ni.

A nu Shannon in MailOnline te a hrilh dan chuan a sam mai bakah hian a kut leh a ke ah te pawh hmul a neih tawh thu a sawi. Social Media ah a fapa thlalak a post hian mak tih a hlawh thei viau a ni.

“Miten an lo en a, a sam an hmuh chuan mak ti fe fe an tam thin. Thenkhat ten a lu meh vat a ngai der tawh a ni tih ten min fiam thin a, hetiang em em hian ka fapa an ngaihven hi ka ringpha lo. A chang chuan a mit dum chawp sak leh a sam ah hian filter hmang thin ah te min ngai zawk hial. Mahse reaction kan dawn zawng zawng hi kan tan chuan a tha lam vek a ni e” tiin alo sawi.