Mizo Elite News hi ṭha i tihzawng a nih chuan min lo Follow dawn nia

He Mipa Naupang Hi A Pa Jail Ah Tangin A Nu In A Kalsan Hnuah Belh Tur Mumal Nei Lovin A Ui Nen An Awmdun

Thlalak lungchhiatthlak leh rilru khawih zet hian mite thinlung a tina vawng vawng thei hial.

Mipa naupang kum naupang te tih hriat ngawih ngawih, nu leh pate la ngai rual lek chu footpath ah a ui nen an lo mu dun riai mai. Times Of India te sawidan in Muzaffarnagar, Uttar Pradesh a mi niin mipa naupang hi a hming Ankit tia hriat a ni.

Ankit hian vanduaina namen lo tawk in a pa hi Jail ah a tang a, a nu hian fa atan thlauh thla in a kalsan thu an sawi bawk. A neihchhuh a nu in a kalsan hnu hian belh tur mumal neilovin fahrahin a awm phah ta a, a neihchhun chu a ui chauh niin footpath ah riakin an khawsa dun chawt.

Ankit khawsak dan mita lo hmu tu local photo journalist in a thlalak a phochhuah atang a lar chak nasa hle. Ankit hian a damkhawchhuah theih nan balloon te zuarin thingpui dawrah te alo thawk ve lawp lawp thin tih hriat a ni.

Local administration lamin zawn hna an thawh hnu in an hmuchhuak thei hram a,district police te hnuai ah him dam takin a awm tawh tih an tarlang. Ankit hi kum 9-10 vel awrh chauh a la nia a hnathawhna thin tea staller neitu chuan “a ui hi a hnathawh chhung zawngin a kil ah lo thu in a nghak tlat thin. Ankit hi entawktlak tak a ni a, engmah a thlawnin a la ngai lo. A ui tan bawnghnute tak ngial pawh” a ti a ni.

City kotwali station house officer Anil Kaparwan chuan Ankit hi hmeichhe tha tak Sheela Devi kiangah a khawsa mek tih sawiin a chhungte zawn hmuh an nih hma chu private school ah zirna a zawm ang. School’s management lam te pawn Police te ngenna chu pawmin Ankit tan a thlawna zirna pek an remti.

TOI