Mizo Elite News hi ṭha i tihzawng a nih chuan min lo Follow dawn nia

He Khua Ah Hian Phir An Tam Em Em Chhan Mithiam Te Pawhin A Ngaihna An Hrelo

India rama thingtlang khaw pakhat chu phir an tam lutuk avangin khaw mak tia hriat a hlawh phah a, phir piang an tam em em chhan ah hian mithiam te pawh in a ngaihna an hre bik lo.

He khua Kodinhi hi Kerala a Malappuram district a mi a ni. An sawidan chuan India ram a phir (twins) piang tam berna tia hriat a ni bawk. Scientist tam tak te pawn phir piang tam em em chhan ah hian a phenah engthil nge in phum ru awm tih hriat tuma an beih fe hnu pawhin an hlawhchham thak a ni.

Muslim majority village a ni a, Kochi, Kerala atang 150km a hla ah a awm. Khua a cheng mihring 2000 atang a 400 chuang te chu phir (twins) vek an ni. A tir ah chuan hetiang khawp hian phir piang hi an tam lem lo. Mahsela a hnu ah chuan phir piang hi a pung chho nasa ta viau.

2008 ah naupang 300 piangchhuak zing a 30 zet te chu phir an ni. Khaw mite chuan Phir piang an tam em em chhan ah hian engdang vang nilovin Pathian malsawmna ah an ngai nghet hmiah. Institution hrang hrang atang Brazil leh Vietnam a mi scientists leh researchers rual ten Kodinhi khua hi an thlithlai tawh thin.

An zingah hian Hyderabad-based CSIR-Centre for Cellular and Modular Biology, Kerala Universities of Fisheries and Ocean Studies (KUFOS) leh University of London bakah Germany a researchers te pawh Kodinhi village a thil mak hi zawngchhuak turin research an nei a, naupang chil (saliva) leh an sam te sample la in DNA hmanga zawnchhuah an tum pawn tun thleng in a mak tih bak sawi theih ala awm lo a, scientists te pawh in a chhan an la hrilhfiah theilo a ni.