Mizo Elite News hi ṭha i tihzawng a nih chuan min lo Follow dawn nia

He Hmeichhia Hian Kum 94 A Upa Street Vendor Nun A Thlak Danglam Sak

Midang te tan malsawmna thlentu i ni thei tih i thinlung ah vawng reng ang che.

Kum 94 laia upa ni tawh Jose Villa Ochoa hi “Don Joel,” tia hriat a ni bawk a, kal pawh kal hleithei lovin wheelchair ah hun a hmang a ni. Harsatna vangin a in enkawlna tur in sum leh pai a nei lo a,a in enkawlna tur chu sawiloh ama kham khawp ngei pawh thawhchhuah a harsat hle.

Heti chung hian khawlai ah a ei tur ilo vel a hmuhchhuah theih nan tiin Santa Ana, California ah a in zuar kual thin a, tamales a zuar a ni. Nikhat chu a inzawrhna ah hmeichhe pakhat Kenia Barragan chu a tawngfuh ta hlauh.

Kenia Barragan pawn chhuak chuan Don Joel hi a tawng a, a chhuah ni chuan khaw awmdan a hrehawm in ni pawh a sa tha hle a ni. Ni sa hnuai a Don Joel inzuar chu a va hmu ta. Kenia Barragan hian a dinhmun a thlirin a kum te a upa tawh a ni tih pawh a hai lo. A khawngaih em avangin a pawisa ken chhun ang te chu a pe vek a ni.

Chuti tak maia khawngaih tu a tawng chu a lawm lutuk vangin a mittui a tla hial. A bulah chuan Kenia Barragan hi thu in a chanchin dang te chu a hriatbelh ta zel a. Don Joel chuan hnathawh te chu duh ve mahse a kum a tam tawh em avang in atan thawh tur a vang hle tih hrilhin hei vang hian khawlai ah tamales zuar hian a in tun nunna khawp hmuhchhuah a inbeisei a, mahse a hlawhchhuah tlem tham tak vangin a ei tur leina tak ngial pawh a phuhruk zo tha lo tih a sawi.

Kenia Barragan chuan “ka nu leh pa te pawh hi kum upa tawh lam an ni a, a thiltawn mek hi ngaihtuah chungin hetiang hian ka pa in tamales a zuar hmu ta ila pawm harsa ka ti in ka rilru a na hle ngei ang” tiin KTTV News te alo hrilh.

Don Joel chanchin leh a thil tawn mek a hriat chuan Barragan thinlung a hneh hle a, atan tanpui theihna kawng dap kual sakin a chanchin chu a Social Media platform ah a dahchhuak a, midang ten tanpuina an pek ve theih takin a ti. Mite thinlung a lo hneh ngang ni tur a ni, a beisei lawk miah loh in tanpuina sum an hmu hnem hle.

Chawlhkar 1 chhung lek in $84,000 zet chu Donation atang in pawisa a hmuh sak a, Don Joel nun chu a thlak danglam sak ta. Kenia chuan thilpek chhunglut tu zawng zawng chungah lawmthu a hrilh a, a thil tih hian a tha zawnga hna a thawh ngei a beisei tih a sawi. Midang te chu harsa zawk te chunga ngilneihna lantir fo thin tur leh pawisa chhunglut kher lo te pawh in tawngtaina lama tan lakpui chuan kawng tam takin hna a thawk thei tih a sawi tel bawk.