Mizo Elite News hi ṭha i tihzawng a nih chuan min lo Follow dawn nia

He Hmeichhia Hian Fa 11 Zet A Neih Tawh Hnu Ah Neih Belhzel A Tum, Nu Nihna Chu A Addict Tawh

Mihring kan bit tawh lutuk vangin a mangan thlak lam a ni tawh a, mahse he hmeichhia ve thung hi chuan nu dinhmun chu a ngawl a vei tawh vangin fa neih chhunzawm zel turin thu tlukna a siam thung.

Russian hmeichhia kum 23 lek a upa Kristina Ozturk hian a pasal Galip Ozturk nen fa 11 an nei mek a, Kristina Ozturk chuan Mirror hnen ah fa 11 ringawt neih chu ala duhkhawp lo tih a sawi.

Nu nihna chu a addict tlat tawh a ti a, a lo ber ah fa 105 zet neih an tum tih a puang. An nupa hi millionaires an ni a, Georgia’s Batuma ah an fate nen hian an khawsa mek a ni.

Heng an fate zawng zawng hi pangngai veka hrinchhuah erawh an nilo. An fanu upa ber tih loh hi chu surrogates kaltlang in an piang. Kristina chuan a pasal nen chhungkaw lian tak din chu an duhthusam a ni tih a sawi a, naupang te a ngaina in enkawl nuam a ti hle tih a sawi nghe nghe bawk.

Kristina hian an fate enkawl kawng ah pawh hun bi ruat fel sa thlap thlap in thil a ti thin. An mut hun atan zan 8 pm atang 6 am a siam. An chhungkaw nau awmtu rawih chuan an fate zawng zawng hi chik vekin diaries ah alo record thlap thin. An fa neih hnuhnun ber chu January 16, 2021 mai khan a ni bawk.

A enkawlna tur sum leh pai ah an buai vak dawn lo tih chu a chiang phawt mai a. Chhangchhiat dinhmun dik tak erawh chu an tem pha ve ngei ang.