Mizo Elite News hi ṭha i tihzawng a nih chuan min lo Follow dawn nia

He Hmeichhia Hian A Duh Leh A Suangtuah Ber Chu Khawvela Hmuilian Ber Mai Neitu Nih A Ni

Kan thil duh leh buaipui zawng hi a in ang lo ṭhin teh e. A sum hmanna hi tam tak tan chuan ho leh a hman ngaihna hriat loh thlak te pawh a tih theih ang.

Bulgaria hmeichhia philosophy student kum 22 a upa Andrea Emilova Ivanova hian duhthusam lian tak a nei a, chu a duhthusam chu khawvel huapa hmui lian ber mai nihna chelh tu nih a duh.

Andrea Emilova Ivanova hian a hmui tih lenna atan hian sum leh pai pawh a ren lo ham ham hle. A insen pawh a inseng hnem tawh viau a, pound sang chuang a inseng tawh. Aesthetic clinics ah a hmui khawih danglam tur hian a lawi lut zing khawp.

Lip injection hi ṭum 20 lai a hmachhawn tawh a, Thawhlehni khan a ti thar leh. Doctor ten ‘a tawk’ an tih pawn a la duh khawp chuang lo. A instagram follower 33,000 hma ah a rawn in phochhuak. 2018 aṭang khan a ṭan tawh a, tih zawm zel pawh a la tum.

“Ka hmui thar hi ka chhuang a ni. Injection hnu ni hnih thum vel chu thil ei a harsa. Khawvel a hmui lian ber a ni em tih chu ka sawi thei lo a mahsela a lian pawl chu a ni ang. A ṭha lam leh ṭha lo lam thleng in Comment ka dawng a, mahsela chu chu ka ngai pawimawh lo. Hei hi chu ka duhthlanna a ni a, midang ngaihdan ka ngai pawimawh lo” tiin a sawi a ni.

DM