Mizo Elite News hi ṭha i tihzawng a nih chuan min lo Follow dawn nia

He Hmeichhia Hian A Chenna Hmun A Chhuahsan Duh Ve Loh Vangin Authorities Ten A Chenna Hualin Highway An Siam Hnan

Khawi hmun ah pawh hian mi ti kher kher leh che kheuh deuh hi an lo awm ve zel thin a nih dawn hi. China rama nu pakhat chuan a chenna in zawn a Highway an siam ah a chenna hmun chhuahsan a duh tlat loh vangin kawng an siam hnan hmiah.

Highway siam a nih dawn hian real estate developer ten a in tihchhiatna man ah zangnadawmna (compensation) pawh pe turin an dawr a, mahsela alo hnar fithla thak. A chenna in chu tihchhiat a duh ta reng reng lo a, a rilru chu inlam let a hnekin a cheng zui ta ngar ngar a ni.

Guangdong TV station chuan he in hi 40 square meters vel a ni a, kawng pahnih inkarah dangdai takin a awm. A sir tawn ve ve chu kawngpui a nih miau avangin a hmun hi a hrisel lo hle ang tih pawh a chiang reng a, thawm bengchheng leh air pollution a nasa hle.

MailOnline in a sawidan in in neitu nu Liang hian insawnchhuah a duh loh chhan chu government lam hian chenna tur hmun tha an offer sak duh lo a ti. Government hian a in an tihchhiat sak ai ah a awmna tur flat 2 pek an tiam a, mahse Liang hian a duh khawp lo, flat 4 tal pek a phut tlat.

Midangin amah an ngaihdan tur leh a hnu a a chunga thil thleng turah buaina a neih loh thu a sawi. Mahse Government lam hian a duh dan ang ngawt in an che duh bik aw zawng lo. Kum 10 hnu ah bridge hi peih fel a ni a, Liang chenna in tichhe silo a man nalh taka kawngpui a tlang phei chu a dangdai ang reng phian. Liang in hi ‘Nail House’ tia hriat hlawhin a lar zui viau nghe nghe bawk.