Mizo Elite News hi ṭha i tihzawng a nih chuan min lo Follow dawn nia

He Hmeichhia Hi A Natna Vei Mek Lak Atang Dam Duhin A Nu Hnenah Tanpuina Ngen Mahse Tih Theih A Awm Silo

Sienna Martucci hi kum 18 lek chauh a upa a la ni a, a nulat vanglai hun a tem chho tan dawn chauh tih ah chuan a chungah natna tihbaiawm tak chuan thla zarin a lo zem a ni.

Sienna Martucci hian cancer natna danglam tak mai Ewing’s sarcoma an tih chuan a tlakbuak a, kum 2020 khan high school a zo fel awrh deuh chauh.

Kum la naupang te in a natna vei chuan chemotherapy a lak a ngaih phah. A nak ruh (ribs) te lakchhuah thenin a awm (chest) bawr zawn a thil tui ril an siakchhuak bawk. A natna a la zual bual hma kha chuan a sam hlohin a tlak a hlau em em thin a, mahsela zual lam a pan zel tak si avangin a hlauh em em a sam pawh chu a tlakawlh ta nge nge a ni.

April 21 khan Sienna Martucci hi an chenna Perth ah a boral a. A nu chuan a fanu chu khawvel hma ah hmeichhe chak tak a nih thu a sawi a, a natna atang khan damchhuah duhin a kiangah pawh puihna alo ngen a, amaherawh chu a fanu tan hian tih theih reng a neih silo chuan a nu rilru a ti na tak zet.

A hun tawp dawn thleng khan hmeichhe hlim thei leh huaisen tak a ni tiin a sawi. A boral hma ni 2 ah khan Make A Wish foundation ten Sienna hnen ah hian Louis Vuitton bag an hlan.

A vuina senso phuhrukna tur atan hian Go Fund Me campaign ruahman sak a ni a, pawisa an hmuh atang a la bang zawng chu a chhungte hian cancer organisations, Sock it to Sarcoma leh ANZSA – the Australia & New Zealand Sarcoma Association ah te tanpui nan hlan an tum a ni.