Mizo Elite News hi ṭha i tihzawng a nih chuan min lo Follow dawn nia

He Hmeichhia Hi A Ke Sei Tak Vangin A Lar, Khawvela Ke Sei Ber A Ni

A kum zat sawi phei chuan awih pawh a harsa zawk hle. Mahsela thu dik a ni miau si. Khawvel ah hian mi pangngai te ai a danglam hi an piangchhuak leh ṭhin.

Austin, Texas a cheng hmeichhia kum 17 leka upa Maci Currin hi midang te ai in a piang damlam bik a, a ke/bawp sei tak vangin a lar hle. Tarlandan chuan Maci Currin hi khawvela ke sei ber nia sawi a ni.

A kawng a chin hnuai lam chauh sei zawng pawh hi 4ft 5in a ni. A san lam hi a pangngai chuan 6ft 10in a ni hem tawh a, kum 17 lek ah chuan a san dan em em hi a mak zawk khawp mai.

Maci Currin hian a pian dan hi a zahpui lo, Model lam ah beiseina sang tak a siam sak zawk a, amah ang a midang te taksa pian danglam nei tu te hnen ah chuan an pian dan chu zahpui lo turin a fuih bawk.

“Kha i landan kha zahpui ngai lo la, ngaihhlut na chang hre zawk ang che” tiin a sawi. Maci Currin hian Russia a mi basketball star Ekaterina Lisina pawh a khum tawh.

Maci te chhungkua hi pian lamah malsawmna an dawng hrim hrim. A nu Trish hi 5ft 7in a ni a, a pa Cameron hi 6ft 5in a sang ni bawk in a unaupa Jacob pawh 6ft 3in a ni. Mahsela an chhungkua ah hian Maci hi a la sang ber ta tho.

A pian tirh aṭang reng in a danglam bikna hi hmuh theih a ni. Kum 9 a upa a nih meuh chuan a san zawng hi 5ft 7in alo ni der tawh.

Khawvela hmeichhe sang ber chhinchhiah kha Chinese hmeichhia Zeng Jinlian a ni a, 1982 khan boral tawh in a san zawng 8ft 1in a ni. Zeng Jinlian khum thei tur a ai a sang hi khawvel hmeichhia ah an la awm leh tawh lo.

DM