Mizo Elite News hi ṭha i tihzawng a nih chuan min lo Follow dawn nia

Hathras A Pawngsualna Thlengah Shah Rukh Khan A Ngawih Tlat Vangin Sayani Gupta In A Dem Hle

Uttar Pradesh a inpawngsualna rapthlak tak thleng chuan thawm a nei lian hle a, milar tam tak pawh in dikna an duh thu Social Media kaltlangin an auchhuak chuah chuah.

Hetih lai hian Bollywood fa chuam ber Shah Rukh Khan erawh Hathras a thil thleng ah hian ngawih a chuh tlat a, ṭawngkam a rawn neih ve beisei a nih em em laia engmah âw a chhuah duh lo chu Actress, Sayani Gupta in a dem hle.

October 2 khan India hnampa Mahatma Gandhi piancham lawm a ni a, Shah Rukh Khan hian Gandhi pual hian post a siam. A fans te hnen ah dikna hlut zia leh vawngnung tlat turin a rawn chah.

Sayani Gupta hian Shah Rukh Khan post siam ah hian a inrawlh nghal vat a Hathras a inpawngsualna thleng chungchang ah eng thil emaw tak sawi ve turin a lo ti.

“Engthil emaw tak sawi rawh. Thil dik tak. Gandhi pawh in dikna ṭan tlat turin min zirtir kha. Kan Dalit unau te rahbeh leh tihchhiat an ni a, i mit leh beng chhu ngawng tlat suh” tiin Sayani Gupta hian SRK hi a hrilh.

Milar dang Priyanka Chopra, Ayushmann Khurrana, Diya Mirza, Richa Chadha leh midang te pawh in pawngsualna thleng chu an dem tak zet tih Social Media ah an lo tarlang tawh bawk.

Hathras a Dalit hmeichhia kum 19 hi mipa 4 ten an pawngsual rawn a, damdawi in luhpui a nih hnu in Delhi’s Safdarjung Hospital ah a hliam tuar lovin a boral. A ruang an khaw lama hawpui a nih chuan a chhung te pawh mangṭha na hun siam sak lovin UP Police ten an hal ral zui nghal a ni.

IT