Mizo Elite News hi ṭha i tihzawng a nih chuan min lo Follow dawn nia

Hathras A Dalit Hmeichhia Pawngsual Rawn A Nunna Chanta Chhungte Hmu Tura An Kalna Ah Rahul Leh Priyanka Te Unau UP Police In Man

Dalit hmeichhe khawngaihthlak leh lainatawm tak chu mipa 4 upper caste ten an pawngsual rawn a, a hliam tuar lovin a boral. He thil thleng hian India ram a luah hneh a, Politician leh mi thiltithei tak tak ten dem in dikna an duh thu an auchhuahpui.

Congress leader, Rahul Gandhi leh a farnu Priyanka Gandhi te chu vawiin Ningani khan Hathras ah Dalit hmeichhe pawngsual rawn vanga nunna chan chhungte hmu turin an kal chu Yamuna Expressway kiang ah UP Police te nen an innawr buai a, Rahul Gandhi te unau hi Police lam in an man.

Rahul Gandhi te hian law and order siam an palzut tiin Police te hian area ah hian mitam tak punkhawm an khap a, hmun khat ah mi 5 aia tam an awih lo Gandhi te lam hian an bawhchhia a supporter te nen an lo thawkchhuak hem, Section 188 an charge ta a ni.

Rahul Gandhi hi namthlu in lathi te chelek a ni bawk. Rahul hian engvanga man nge an nih tih a zawt a official order pawisa lo a nih vang tiin an lo chhang let. “min nam thlu a, thil zawh duh ka nei. Modi Ji chiah he rama kal thei awmchhun a ni em? normal person an kal ve a thianglo tihna em ni?’ tih zawhna siamin a lungawilo hle a, PM a rawn hmer zui leh.

UP Officer chuan restrictions hi September 1 aṭang kalpui in October 31 thleng extend a ni a ti. Policemen zingah pawh Covid symptoms hmuh a nih thu an sawi. Congress lam erawh in Rahul te khua a an luh theih lohna leh danna tura an tactic ah an puh thung.

Congress leader Adhir Ranjan Chowdhury, KC Venugopal leh Randeep Surjewala te pawh Police in an hreng a, heng party leader Rahul leh Priyanka tiam in Gautam Buddh Nagar a Buddh International Circuit ah hruai an nih thu ANI chuan a tarlang.

September 14 khan Dalit hmeichhia kum 19 chu pawngsual rawn a nih hnu ah hliam na tak nen kalsan a ni a, Thawhlehni khan a hliam tuar lovin a boral. A ruang hi a chhungte remtihna leh hriatpui lovin Police ten an hal ral luihsak a, hei hian boruak a ti zualkai ta em em a ni.

Uttar Pradesh hi Prime Minister Narendra Modi’s Bharatiya Janata Party awpna hnuai ah awm mahse hmeichhia te tana ramchhunga state him lo ber te zingah a ṭang leh lawi si.

IT