Mizo Elite News hi ṭha i tihzawng a nih chuan min lo Follow dawn nia

Haiti Ah Lirnghing Na Tak Vangin Mi 300 Chuangin Nunna Chan Tawh

August 14, 2021 Inrinni khan southwestern Haiti chu lirnghing na tak mai 7.2-magnitude a na in sawi in mi eng emaw zat in nunna an chan tih hriat a ni.

US Geological Survey chuan lirnghing intanna epicenter hi 125 kilometers (78 miles) west of the capital of Port-au-Prince ah a nih thu an puang. 7.2 magnitude a a sawi hnu rei lo ah aftershocks an la tuar nawn zui bawk.

Haitian Prime Minister Ariel Henry chuan Caribbean country ah thla khat chhung atan ‘state of emergency’ a puang nghal a, chhanchhuak tu pawl ten chhanchhuah hna an la thawk mek zel. Chenna in 949, biakin 7, hotel 2, school 3 te lirnghing hian a tichhia. Hei bakah hian hmun hrang hrang chu a sawi chhia/chim hle.

Hriat theihchin ah mi 304 an thi tawh a, hliam tuar hi 1,800 vel awm angin civil protection service in a puang. Mitthi hi engzat chiah nge an nih dawn tih hi sawichian theih a la nilo. Ngawrh taka mitthi lakchhuak leh zawn hna an la thawk mek. “Eng zat nge thi leh damin kan hmuh dawn tih kan la hre theilo” an ti a ni.

Haiti hi an vanduai thei hrim hrim. Hmanni lawk ah an President thah a lo ni tawh. Tun hi lirnghing an tawrh nat ber a ni tawh lo. January 12, 2010 khan 7.0-magnitude a na in a lo sawi tawh a, mi 220,000 leh 300,000 inkar in nunna chanin mitam tak in hliam an tuar a ni.