Mizo Elite News hi ṭha i tihzawng a nih chuan min lo Follow dawn nia

Hair Transplant A Neih Atang Ni 3 Ah A Thi

Gujarat ah kum 31 a upa chu Hair Transplant a neih hnu lawk ah a boral avang in a chhungte chuan a thih chhan ah Medical lam inthlahdah leh tihsual vang a thleng ah mawhpuh in an lungawi lo hle.

Boral ta hi a hming Arvind Chaudhary a ni a, Khadosan village, Visnagar taluka of Mehsana ah chengin library a enkawl thin. September 15, dar 4 khan Jail Road ah hair transplant hi a tih tir a ni.

Thu lakna in a tarlan dan in Chaudhary hi dar 10 pm thleng Clinic ah hian a awm. Hemi hnu hian diklo leh fel lohna nei lovin Clinic hi a chhuahsan a in a thlen hnu ah chaw te in ei puar in a mu nghal tih an sawi.

September 17 ah chuan a nuamsam lo tan a, Clinic pan leh in Doctor te chuan a dinhmun an enfiah hnu ah thil diklo a awm tih hria in admit a ni. Chaudhary hi ICU ah enkawl a ngai hial a, a dinhmun in ziaawm lam a pan theih lo. September 18 zinglam 7:30 khan a boral ta a ni.

Chaudhary chhungte hian he thihna hi Hospital te thiam loh liau liau a ni tih an sawi a, criminal case ziakluh turin an phut bawk. Chaudhary thihchhan hrechiang turin a ruang hi postmortem turin an thawn a viscera samples chu forensic examination atan lak tel a ni.

Mehsana B division police station a Inspector BM Patel chuan forensic leh autopsy result kimchang hriat theih a nih hun ah chauh Action hi lak a nih tur thu a sawi.