Mizo Elite News hi ṭha i tihzawng a nih chuan min lo Follow dawn nia

Hailey leh Kendall Jenner te Birthday Party ah an chhelo in an nalh hle

Entertainment huangchhung ah chuan an ni ai a thawm nei lian hi an awm chuang bik lo ang tih theih khawp a lar an ni.

Pop Star, Justin Bieber nupui duat Hailey Bieber leh a thiannu Supermodel, Kendall Jenner te chu Thawhlehni zan khan Hollywood a Goya Studios ah an thian Anastasia ‘Stassie’ Karanikolaou kum 24 na piancham Birthday Party ah inlan in an chhelo leh fia fia khawp mai.

Modelling business ah mahni tawka lar ve ve an ni bawk nen Paparazzi ten an thla an lo hmeh sak leh nual a, an thuamhnaw inbelchhuah mawlh hian hmeichhe dang te mit an la leh pek hle bawk.

Hailey hi cleavage-baring black bralet leh wide-legged trousers nen a rawn induang nalh zaih viau a, Caitlyn leh Kris Jenner te fanu Kendall Jenner pawh Hailey lakah hian a sitawm bik teuh lo.

Stassie piancham lawmna ah hian Hailey leh Kendall mai bakah Kendall unaunu Kylie leh Winnie Harlow te pawh an tel ve nghe nghe. An chi leh kuang thil tih leh tel na reng reng tawh hi chu boruak a siam hat thei zel mai zawng a ni. Piancham neitu ber Stassie hian a birthday chhimtu a nei tha bawk a, a gift dawn pawh a neu dawn lo tih a chiang reng mai.