Mizo Elite News hi ṭha i tihzawng a nih chuan min lo Follow dawn nia

Hailey Bieber thuamhnaw inbelchhuah man ringawt cheng nuai khat aiin a tam

Khawvel hi chu an hmang nuam ve a lawm. Retheihna awmzia vak hrelo in an seilian a, an duh leh it zawng a piang chu chawp leh chilhin an nei thei nghal tawp tawp zel bik.

Hailey Baldwin, tuna Hailey Bieber in ti ta hian a pasal Pop Star,Justin Bieber nen an inneih hma atang daih tawh khan ama tawkah a nuam sa sa tawh a, a pa Stephen Baldwin fanu duat em em a ni.

Hailey hian a tei chhuahna leh hna thila a inlan in thuamhnaw hrang hrang a ha chhuak kan hmu fo thin ang a, mahsela an ni ang thuamhnaw te chu man tlawm deuh tura lo ngaih chi pawh a nilo. Ho deuh anga ngaih pawh hi rin ai hian alo to zek zel.

Tunhnai lawk a Los Angeles khawpuiah meeting tura a kal tum khan Hailey hian incheina thuamhnaw atan ringawt kan pawisa a cheng nuai 1 chuang man alo hmang hem mai a ni.

Meeting ah hian 90s chho angin changkang leh chhelo takin a chhuak a, cropped white Jacquemus Laurier shirt, puff sleeves hachhuak in Rs. 31,061 man a ni.

Beige high-rise Musier Paris Sixtine Trousers a hak hi Rs. 14,262 man a ni bawk a, pheikhawk Bottega Veneta signature simple tak a bun pawh hi Rs. 65,771 a ni leh zel.

Attico Paris a mi serthlum rawng set set Bag a koki a bah mai mai pawh hi Rs. 33,259 man lek chauh a ni. Hailey hian heta a silhfen man ringawt hi cheng nuai 1.7 a hawlh daih.

Amaherawh chu heng zat inbel tur hian Hailey hi a thawkrim a, tleirawl chhuah a nih atang brand hrang hrang fak lar in hun a hmang daih tawh a ni. A pasal Justin thianpa Jaden Smith nen pawh denim brand Levi’s tan campaign an lo nei a, heng bakah hian Yves Saint Laurent, Zadig & Voltaire, Alexander Wang te pawh a thawhpui tawh nghe nghe.