Mizo Elite News hi ṭha i tihzawng a nih chuan min lo Follow dawn nia

Hailey Bieber in nau a pai em ni?

July 19 khan Canadian Pop Star, Justin Bieber an Social Media lama a chetdan avangin a nupui Hailey Bieber chu nau pai mek ang in thuthang a awm zui.

Nupa an nih atang kum lai a vei ve tawh a, mahse Justin leh Hailey te hian chhungkaw din kawng ah chanchin lawmawm an nei thei lo. Fans ten an inkarah nau a pian thuai thuai an nghalhlel em em a, minute tin a an nupa chanchin ngaihven a hun hmang reng reng an awm bawk.

Supermodel, Hailey Bieber rai anga sawi rik a nih tanna pawh Justin Bieber hian cryptic post a siam a. A nupui Hailey nen an thlalak Black & White loved up snap chu Instagram ah phochhuak in Caption ah chuan “mom and dad.” tih ringawt in a dah a ni.

Mupui ang maia mit var leh ngaihven reng reng tu ten Justin Bieber post an hmuh leh Caption an en rual in Hailey chu a rai a ni mai lo maw tih ngaihdan an neih phah ta nghal. Comment lam ah zawhna tam tak a awm a, Twitter ah te thehdarh a ni bawk.

Mahse Hailey Bieber hian a pasal in buaina dang a hmachhawn leh tur chu a veng vat a, “Caption i hnuchhiah hi thlak danglam deuh a ngai in a lang. *Dog Mom and Dad* zawk. Miten an lo ngaihkawi leh hma in” tiin a pasal hi a hrilh.

Justin leh Hailey te hi 2015 atang an inzui tan a, mahse 2016 ah an inthen. Kum khat an inthen hnu 2018 ah an inkawp leh ta a, tichuan 2019 khan Bluffton, South Carolina ah “tiam tlat e” tiin damchhunga nupa ni turin an innei. Tun hi Hailey rai thu thang vawikhat hriatna mai a ni tawh lo a, a hma pawn fans te hma ah hint an lo pe fo tawh thin a ni.