Mizo Elite News hi ṭha i tihzawng a nih chuan min lo Follow dawn nia

Hailey Bieber In A Pasal Justin Bieber Chu Ruihhlo Laka Harh Fim Tura A Beihpuina Kawng A Harsat Thu A Sawi

Pop Star, Justin Bieber hi a hma pawh in milar tam tak te buaina lo tawh ang fo in ruihhlo lakah a fihlim bik lo a, ruihhlo ngawlvei vangin harsatna alo tawk ve nasa thin a ni.

A hringnun ah a nupui Hailey Bieber a awm tak chin ah Justin Bieber hian a nundan a thlak danglam hneh nasat zia an sawi thin a, a kianga Hailey in theihtawp a chhuahpui na rah chu Justin Bieber nun atang a hriat an ti bawk. Mahsela Justin tha chhuak a ruihhlo lak atang a harhfimna kawng hi a awlsam bik lo.

Hailey Bieber chuan tunhnaia Victoria’s Secret Voices podcast ah a pasal Justin Bieber an ruihhlo bawih ata a zalen theihna kawng hi a awlsam loh thu a sawi. A pasal hnen ah heng a tih hian a tha chiah em tih a zawt a, a tana a that loh zia leh hun thim tak hmachhawn tirtu mai a ni a ti. Hailey hian a sawidan in an chhungkaw mi leh sa ngei zingah pawh addiction an awm thu a sawi tel a, chutah chuan a pa Stephen Baldwin ngei pawh a tel. A pa hi cocaine addiction vangin harsatna a tawh thin thu a lo puang a ni.

NEW YORK, NEW YORK – SEPTEMBER 13: Hailey Bieber attends The 2021 Met Gala Celebrating In America: A Lexicon Of Fashion at Metropolitan Museum of Art on September 13, 2021 in New York City. (Photo by Theo Wargo/Getty Images)

Midang tumah heng thil ah hian inhnamhnawih in buaina tawk lo se a duh a, a chhan chu a pa atangin a sawhkhawk a hrechiang tawh. “Cocaine lam reng tih chhin pawh ka tum lo. Vawikhat chhin hian a hnu leh min hruai ang a, chu chu ka hlau tak zet” a ti.

Hailey and Justin Bieber

Justin Bieber hian 2020 YouTube docuseries ‘Justin Bieber: Seasons’ ah ruihhlo ngawl vei a nih thu a sawi a, marijuana, alcohol, psychedelic mushrooms, pills leh a dang a addict tih tlang takin a puangzar. Ruihhlo bawiha a tan lai chuan a security ten zanah a room ah a mar leh lungphu a la awm em tih an check sak hial thu a sawi a, thi thaw thang ang hialin alo in tehkhin a ni.