Mizo Elite News hi ṭha i tihzawng a nih chuan min lo Follow dawn nia

Hadid chhungkua ten Gigi Hadid naute pian hun tur nghakhlel takin an thlir

Supermodel, Gigi Hadid (kum 25) pawh nu ni turin a inbuatsaih mek a, Zayn nena an fa hmasa ber a hrin hun tur a hnai chho tial tial a, a nei lek lek tawh.

Gigi nu Yolanda Hadid chuan a Instagram ah a tu (grandchild) lo pian hun chu tlumtea thlir tak in an thlir mek tih a rawn sawi.

Yolanda hian a fanu Gigi pum puar luah chu biang si chetin a ngaithla ni awm tak lai a post a. “Angel lo pian hun tur chu dawhthei takin kan nghak mek” tiin kum 56 a upa Dutch Model hian a caption.

Gigi Hadid pa Mohamed Hadid in a tu tana lehkha a ziah a phochhuah hnu lawk ah Yolanda hian post hi a siam a. Mohamed Hadid post aṭang fans te phei chuan Gigi Hadid hian naute a nei tawh a nih an ring hman. Mahsela Yolanda in Gigi in nau a la neih loh thu hi a rawn sawichiang ve leh ta a ni.

Gigi hian naute a pai lai hian Pennsylvania ah a nu Yolanda Hadid farm ah a hun tam zawk a hmang. Naute pa tur Zayn erawh a fa piang tur chungchang ah hian a la ṭawngchhuak lem lo.

Gigi Hadid leh Zayn te hi November 2015 aṭang khan an inngaizawng ṭan a, an inngaihzawn hnu hian ni leh nilo ang in an khawsa ve deuh reng ṭhin bawk.

Mailonline