Mizo Elite News hi ṭha i tihzawng a nih chuan min lo Follow dawn nia

Gold Chain A Ruk Chu Dawlhin Police Ten Tihluihna Hmangin An Phawrhchhuah Sak

Thil sual tih kher kher ah chuan rukruk case hi a zahthlak in a mualpho thlak hle. India ram a rukru pakhat an man chuan a thil ruk rangkachak Gold Chain alo dawlh vangin Police ten a pum atang tihluihna tha takin an lakchhuah tir tih hriat a ni.

News18 te tarlan dan in he thil hi Bengaluru a thleng a ni. Hmeichhe pakhat hnen atang Vijay Gunda Thali kum 21 hian Gold Chain hi a ruk sak a, 21 August 2021 khan man niin a thilsual tih vang hian mipui ten kut an thlak nasa hle bawk.

Vijay hian amah bakah midang 2 Sanjay leh Prem te chu a thurualpui an ni tih a puang. Vijay te thian hian MT street, Central Bengaluru ah hmeichhe pakhat Hema in a gold chain a keng lai chu an phih thlak sak. Rangkachak chain hi 70-gram vel a ni.

Vijay an man hian a gold chain erawh hmuh a nilo a, Police te hnena an hruai chu BG Kumaraswamy chuan a hliam te enkawl turin damdawiin hnai berah an hruai. Doctor ten X-Ray scan an neihsak chuan a gold chain a ruk chu a pumah hmuh a ni a, alo dawlh reng a lo ni.

Vijay erawh chuan a puma an thil hmuh chu Chain a nih loh thu in nasa takin a tang. Doctors leh police te chuan duhthlan tur an neih tak loh vangin a puma thil awm chu lakchhuah nan Vijay hi balhla leh ek tih nem theihna hmanrua pe in a Ek chhuah atang Chain hi hmuh leh an inbeisei. Vijay pum a mi chu a chain ruk ngei a ni tih an finfiah tawh a, man a ni zui nghal bawk.