Mizo Elite News hi ṭha i tihzawng a nih chuan min lo Follow dawn nia

Glee A Naya Rivera Performance In Share A Hlawh, Fans Te Erawhin Share Lo Turin An Ngen

Glee star, Naya Rivera (kum 33) chu Lake Piru, California a tuia a chetsual hnu ah ni 5 lai an zawn hnu in Thawhṭanni khan a ruang hmuh a ni.

Naya Rivera thihna chungchang ah hian ngaihdan leh rindan hrang hrang a awm a. A ṭhen in Glee a The Band Perry’s “If I Die Young,” hla a sak avanga vanduaina tawk a hma takah boral ta hi a nih an ring.

Naya hian “If I Die Young” hi Glee season 5 episode 3 (“The Quarterback”) ah khan a sa a, hei hi Glee a a changtu dang pakhat boral ta Cory Monteith tribute na pual nia sawi a ni.

Rivera chetsual thu puanchhuah tirh khan “If i die young” a perform na hi a rawn darh a. Thawhṭanni a a ruang hmuh a nih leh ngat phei kha chuan a performance video hian share a hlawh nasa zual a. Twitter ah trending topic a ni.

Mitam tak in an rinhlelh zualna chhan pawh Naya Rivera ruang an hmuh ni chiah hi Monteith thih aṭanga kum 7 na chiah alo ni ve leh zel bawk. Monteith hi kum 2013 July khan OD vangin a thi.

“If i die young” hla thu ah chuan “If I die young, bury me in satin, lay me down in a bed of roses. Sink me in the river at dawn, send me away with the words of a love song.” tih te a ni a. Mitam tak in hei vang chiah hi a ni pawh lo ti mahse a awm lo hran chuang lo, a hla thu leh chetsual dan hi a inmil in ngaih bel a awl duh khawp mai.

Social Media lama Naya Rivera Performance share darh a nih chungchang ah Fans ṭhenkhat te erawh chuan midang te hnenah chuan Rivera video clip hi thawnchhuak tawh lo turin ngenna an lo siam ve bawk.

Business Insider