Mizo Elite News hi ṭha i tihzawng a nih chuan min lo Follow dawn nia

Gigi Nu Yolanda Hadid Nen Buaina An Neih Hnuah Zayn Malik Leh Gigi Hadid Te An Inthen

Foreign media ten an tarlan dan in Supermodel, Gigi Hadid leh singer, Zayn Malik te chu an inthen tih an puang a, Gigi Hadid chhungte lam hnaih tak pakhat chuan Zayn leh Gigi te an awm dun tawh loh thu leh an fanu thla 13 mi Khai Hadid Malik tan erawh nu leh pa an nih chhunzawm zel tur thu a sawi.

“Tun ah chuan an inkar ah engmah a awm tawh lo. Gigi nu hian a fanu Gigi hi a hual him hle a, a fanu leh a tunu tan a tha ber a duh a ni” tiin Gigi chhungte hnaih tak in People Magazine te a hralh.

Zayn leh Gigi te inthen thut chhan ah hian fans leh media te sawi dan in Zayn leh Gigi nu Yolanda Hadid te inkarah inhmelmakna a thlen vang in an puh a, Celebrity news rintlak tak TMZ chuan Zayn hian a kawppui hringtunu Yolanda hi kut a thlak a ni. Yolanda pawh in a makpa ni mai tur lakah hian thubuai awrh tir hial a tum hman tih an puang. Hei vang hian Gigi leh Zayn te inkar pawh hi sawi nghin in a awm phah.

Zayn Malik hian Twitter ah an chhungkaw boruak rit tak chungchang ni ngeia ngaih theih a rawn tweet a. Gigi nu Yolanda in a puhna hi thil diklo tak a nih thu leh chhungkaw lam kaihhnawih a nih vangin sawi a duh lo tlat.

Report thenkhat in a tarlan ve leh dan chuan Zayn leh Gigi te hi Gigi nu Yolanda leh Zayn te boruak a chhiat hma atang tawhin a tha lo an ti ve thung a, thil thlen hma daih in an lo awm hrang tawh. Gigi Hadid representative erawh an privacy zahsak turin a ngen thung.

Zayn leh Gigi Hadid te hi 2015 atang in an in date chho tan a, an in date chhung hian inkawp in an inthen deuh chhen bawk a ni.