Mizo Elite News hi ṭha i tihzawng a nih chuan min lo Follow dawn nia

Gigi Hadid in naute pa Zayn a ni tih a nemnghet

Gigi Hadid chuan tuna a naute pai mek chu a bialpa zaithiam Zayn Malik fa ngei a nih thu a rawn nemnghet ta.

Supermodel, Gigi Hadid hian Zayn nena an PDA thlalak hmuh ngai loh an infawp lai chu a Instagram ah a post thar a, “Baby daddy” tiin a caption. Midang tumah an inrawlh lo tih phat rual lohin hei hian Zayn hi naute pa a nih zia a rawn tichiang ta kawk.

April thla a Jimmy Fallon nen an interview na ah a rai tih Gigi hian a sawi. Thlalak leh naute chungchang lam kaihhnawih hi an post lem lo a, Zayn phei chu alo ngawi tlat a ni.

Tun ang boruak hripui len karah a naute pai chungchang chu thil pawimawh ber a nih loh thu Instagram Live kaltlangin Gigi hian alo sawi tawh. September thla lamah naute hi a pian beisei a ni a, a nihna (gender) chungchang ah hmeichhia a ni tih hriat a ni tawh bawk.

Gigi leh Zayn te hian an phak ang tawkin an naute lo piang tur tan hian an inbuatsaih chho mup mup a, chenna in vel pawh an chei nasa tawh a ni awm e. Gigi pawh New York ah Zayn kiangah a awm tawh tih Report chuan a sawi.

Yahoonews