Mizo Elite News hi ṭha i tihzawng a nih chuan min lo Follow dawn nia

Gigi Hadid In Mom Merch A Rawn Inbel Ta, A Fanu Tan Nu Ṭha Ber Turin A Inbuatsaih Zel

Supermodel zingah pawh chhelo ber pawl, mipa mai bakah a hmeichhiatpui te thleng pawhin an duh leh atchilh rawn kha tunah zawng nu a ni ve leh ta der mai a nia.

Gigi Hadid chuan a bialpa Zayn Malik nen fanu an neih hnu ah a ṭhian te hnen aṭang thil pek ṭhahnem tak a dawng nual tawh a, a thil dawn ṭhenkhat te pawh a Social Media ah kan lo hmu ve zel.

Naute a neih lawmpui nana a thil dawn zinga hlu ber leh langsang tak pakhat chu LA-based jewellery designed Jacquie Aiche in ṭhi nalh leh man tlawm zek zawk lo tak a pek hi a ni.

Jacquie Aiche hian Gigi hnen ah hian “mama” tih thu inchhukai hi a pe a, Gigi pawh in a thil pek hlu tak dawn hi phochhuak in nu a nihna Mom Merch a rawn awrhchhuak ve ta va va.

Jacquie Aiche hnen ah hian lawmthu a hrilh mawlh mawlh a. Jacquie Aiche bakah hian Euphoria star Zendaya, Taylor Swift leh Donatella Versace te hnen aṭang pawh in a dawng bawk a ni.

Gigi leh Zayn te hian naute an neih thu hi puang tawh mahse a hmel lanna thlalak leh naute hming hi engmah an la sawilang rih lo.

A nu leh pa te khawvel huap in lar ber pawl an ni bawk nen he naute pawh hi a rawn vannei dawn bik leh khawp mai. Kum a han tlin meuh chuan a sum hman a sang leh hle ang tih pawh a rinthiam theih.

Capital FM